Prezantuesja Arbana Osmani ka nisur një sesion të pyetjeve-përgjigjeve të drejtuara për shoqen e saj, Xhemi Shehu.
Kurreshtja e ndjekësve ka qenë e lartë për tema të ndryshme, nga raporti mes vajzave, tek martesa e puna e Xhemit në televizion.
“A je ende e martuar” – ka qenë pyetja për Xhemin.
Lexo edhe:
“Normal se të shohin ty edhe kanë dilema. Fakti që nuk e nxjerr tim shoq nuk do të thotë që nuk ekziston. Prej 10 vjetësh jam e martuar” – është shprehur prezantuesja.
Një tjetër pyetje ka qenë për rikthimin në Top Channel, të cilin vetëm para disa ditësh e mohoi në një intervistë duke thënë se e ka “mbyllur përfundimisht me televizionin” dhe “Portokallisë në rikthim i mungonte regjisori”.
Shehu kësaj radhe është përgjigjur se tek Pana [Arbana] rikthimi është “çështje kohe”.
Me gjasë Xhemi do jetë e ftuar në sezonin e ri të “Dua të të bëj të lumtur” por kjo mbetet të kuptohet saktë në vijim.
