Vapa ekstreme ka detyruar të gjithë qytetarët që të përdorin kondicionerin në shtëpi, në zyrë dhe në makinë, por sipas shumë ekspertëve shumica e njerëzve e përdorin kondicionerin në makinë në mënyrë të gabuar.
Megjithëse ekziston që nga viti 1939, shumë njerëz ende bëjnë gabime kur rregullojnë kondicionerin në makinën e tyre. Vitet e fundit, makinat kanë ardhur me kondicionerë me rregullim automatik, por prodhues të ndryshëm imagjinojnë ndryshe vendosjen për efikasitet dhe rehati optimale dhe për këtë arsye i rregullojnë ndryshe sensorët dhe algoritmet.
Efikasiteti i kondicionerit varet kryesisht nga konfigurimi i sistemit, domethënë nga fuqia, kanalet e ventilimit, programet, etj. Në çdo rast, për përdorim të sigurt dhe të shëndetshëm të ajrit të kondicionuar në makinë, rekomandohet t’i përmbaheni këtyre këshillave.
Lexo edhe:
Ajrosni makinën – nëse është e mundur, ajroseni makinën përpara se të vozitni. Nëse kjo nuk është e mundur, do ta ndihmojë shumë kabinën të ftohet më shpejt nëse vozitni një ose dy kilometër me dritaret e pasme të hapura ndërsa klimatizimi është i ndezur. Kur ajri brenda ka ndryshuar dhe barazuar me temperaturën e jashtme, mbyllni dritaret dhe aktivizoni qarkullimin e ajrit të brendshëm.
Ekspertët paralajmërojnë se diferenca e temperaturës mes kabinës së makinës dhe jashtë nuk duhet të jetë më e lartë se 7 gradë Celsius, për të shmangur ftohjet, kollën dhe inflamacionin e syve.
Gjithashtu rekomandohet që ndenjat e ventilimit të mos drejtohen në asnjë pjesë të trupit tuaj, veçanërisht në kokë.
Kur kabina ftohet, nuk ka kuptim ta përdorni kondicionerin me shpejtësi të plotë, ndaj rregulloni shpejtësinë e ventilatorit sipas nevojës, por me sistemet më të reja automatike, kjo punë kryhet në mënyrë efektive nga vetë sistemi.
Mjekët rekomandojnë ngritjen graduale të temperaturës në makinë ndërsa i afroheni destinacionit tuaj, për të shmangur tronditjen nëse jashtë është shumë nxehtë.
