Dua Lipa ka ndarë emocionet e saj pas përfundimit të një tjetër edicioni të suksesshëm të Sunny Hill Festival në Prishtinë.
Këngëtarja shqiptare ka publikuar në rrjetet sociale disa momente nga nata e tretë dhe përmbyllëse e festivalit, duke sjellë pamje nga atmosfera e krijuar gjatë eventit.
Në fotografitë e publikuara, Dua shfaqet duke shijuar festivalin së bashku me familjen e saj, përfshirë babanë Dukagjin Lipa, motrën Rina dhe vëllanë Gjin.
Lexo edhe:
Krahas fotografive, ajo ka shprehur krenarinë dhe mirënjohjen për realizimin e festivalit në qytetin e saj, duke theksuar punën e madhe që qëndron pas organizimit të tij.
“Vërtet nuk ka fjalë për gëzimin, krenarinë dhe mirënjohjen që ndiejmë duke arritur ta organizojmë këtë festival për qytetin tonë me familjen tonë”, ka shkruar Dua.
Ajo tregoi se gjatë festivalit ka tentuar të gjejë edhe disa momente të qeta për ta përjetuar atmosferën dhe ka kuptuar edhe një herë se sa i veçantë është bërë Sunny Hill ndër vite.
Dua falënderoi të gjithë ata që ishin pjesë e këtij edicioni, duke shprehur dëshirën për t’u rikthyer sërish vitin e ardhshëm në “kodrën” e Sunny Hill.
Sunny Hill Festival është shndërruar ndër vite në një nga ngjarjet më të rëndësishme muzikore në Kosovë, duke tërhequr artistë ndërkombëtarë dhe mijëra fansa në Prishtinë.
