Ekranet e celularëve dhe pajisjeve të tjera elektronike janë një nga arsyet kryesore që u “djeg” prindërve kohën e të kushtuarit vëmendje ndaj fëmijëve.
Ndaj, në Danimarkë është gjetur një zgjidhje interesante: një hapësirë publike ku prania e këtyre pajisjeve minimizohet. Njihet si këndi i lojërave “pa ekrane” dhe ndodhet në zonën Postbyen në Kopenhagë.
Parku është ndërtuar në një ish-stacion postar dhe mban një lidhje të fortë simbolike.
Lexo edhe:
Dikur njerëzit prisnin me ditë të tëra për të marrë një mesazh apo letër përmes postës, ndërsa sot, përmes ekraneve, jemi të bombarduar çdo sekondë nga njoftimet e menjëhershme që na shkëpusin nga realiteti.
Për të nderuar këtë histori, parku ofron pengesa me tematikë postare, por risia e vërtetë janë tabelat që u kujtojnë prindërve të ulin telefonat.
Kompania zhvilluese sqaron se qëllimi nuk është vendosja e ndalimeve me rregullore, por një shtysë miqësore psikologjike për t’i ndihmuar familjet të shkëputen nga bota virtuale dhe të jenë më të pranishme në jetën e fëmijëve të tyre.
Nisma vjen teksa Danimarka po përpiqet të kufizojë me ligj rrjetet sociale për të miturit nën 15 vjeç.
