Pas lajmeve për martesën e tyre, emrat e Dua Lipës dhe Callum Turner po rikthehen sërish në qendër të vëmendjes. Sipas disa raportimeve në mediat ndërkombëtare, çifti mund të organizojë një ceremoni të tretë martesore në Shqipëri, konkretisht në Tiranë, në fund të muajit korrik.
Mësohet se, pas një ceremonie private në Londër dhe një feste më të madhe në Siçili, dyshja po shqyrton mundësinë e një dasme me elemente tradicionale shqiptare, si një mënyrë për të nderuar rrënjët e këngëtares me famë botërore.
Nëse lajmi konfirmohet, ceremonia në Tiranë pritet të jetë më intime, me fokus te familja, miqtë e afërt dhe traditat shqiptare. Ndërkohë, raportimet kanë ngjallur reagime të shumta në rrjet, ku fansat po komentojnë me humor mundësinë që çifti të festojë dashurinë me plot tre ceremoni martesore.
