Një aksident tragjik iu ka marrë jetën 3 personave mëngjesin e sotëm në zonën e bajpasit të Rrogozhinës.
Viktimat janë Tonin Mhilli, 58 vjeç, oficer i burgut të Peqinit, i cili ndodhej në mjetin tip “Audi” dhe gjeti vdekjen në vendin e ngjarjes, si dhe Merushe Koni dhe Bajram Koni, që humbën jetën në spital për shkak të plagëve të marra.
Tonin Mhilli është babai i gazetares Valbona Mhilli, e cila ka bërë një sërë dedikimesh prekëse në rrjetet sociale.
“Pse ike u ba pa mua. Pse e doje punën më shumë se ne o ba? Pse o komisari i jetës sime, o dashuria ime, o dritë, o jeta ime, i le ëndrrat në mes, o ba çohu,” shkruan gazetarja e Report Tv, teksa poston edhe video me babanë e ndjerë.
