Edhe këtë sezon, spektakli më i madh i humorit në vend, “Portokalli”, vazhdon rrugëtimin e tij të 44-t, duke sjellë çdo fundjavë batuta, satirë dhe personazhe që argëtojnë publikun.
Mësohet se ky format i cili njihet për trajtimin me humor të aktualitetit dhe politikës, ka rezervuar një surprizë të veçantë për puntatën e radhës.
Këtë javë, në skenën e humorit rikthehet këngëtari i mirënjohur, Joz Marku, i cili do të jetë i ftuari special i mbrëmjes së të shtunës, datë 22 nëntor, në live-show, ku pritet të bëhet pjesë e numrave të aktorëve dhe të sjellë atmosferë ndryshe për shikuesit në sallë, si dhe ata nga ekrani.
