Arbana Osmani me sa duket është një nga emrat e mundshëm që do të drejtojë Festivalin e Fundvitit në Radio Televizionin Shqiptar.
Burime ekskluzive për Vip Magazine bëjnë me dije se ditën e sotme ajo është parë në ambientet e RTSH-së, ku ka zhvilluar një takim me drejtuesen e këtij institucioni Eni Vasili.
Më herët është raportuar se Arbana Osmani ashtu sikurse dhe Luana Vjollca kishin dorëzuar pranë organizatorëve platformat e tyre për të marrë në dorë drejtimin e Festivalit.
Lexo edhe:
Nuk dihet se ky takim mes Arbanës dhe Eni Vasilit finalizon marrëveshjen përfundimtare, teksa nuk kanë mbetur edhe shumë javë nga nisja e festivalit.
Kjo nuk do të ishte hera e parë për Arbana Osmanin që drejton këtë eveniment të muzikës në Shqipëri.
Tre vite më parë ajo bëri bujë me ngjitjen e saj në skenën e Pallatit të Kongreseve, teksa ishte në kulmin e popullaritetit si moderatore e Big Brother Vip Albania.
/Vip-magazine.al/
