Vetëm pak muaj para se djali i saj të vinte në jetë, Dafina Zeqiri njoftoi se do të bënte një pushim nga muzika. Deri në maj të këtij viti, këngëtarja ishte aktive në koncerte e projekte të reja.
Ajo nuk dha ndonjë afat se kur mund të ndodhte rikthimi, edhe pse premtoi që fansave nuk do t’u mungonte muzika e saj.
Por tre muaj pas lindjes së Daskan, Dafina po rikthehet. Përmes një videoje në rrjetet sociale, ajo është shfaqur e emocionuar duke dhënë lajmin se po xhiron videoklipin e parë pas ngjarjes më të rëndësishme në jetën personale.
Lexo edhe:
“Jemi të lumtur sepse nesër do të xhirojmë videoklipin e parë pasi linda”, shkruan ajo.
Duhet thënë se pasi njoftoi pushimin, Dafina solli një këngë të re, “Faya” e cila nuk u shoqërua me një videoklip, por rezultoi e suksesshme. Ndërkohë, duket se tani ajo ka vendosur të ndjekë të njëjtën rrugë si gjatë shtatzënisë duke e ndarë kohën mes mëmësisë dhe karrierës.
