Moderatorja dhe prezantuesja e dashur për publikun, Kiara Tito, ka ndarë me ndjekësit e saj një rrëfim të sinqertë për marrëdhënien me muzikën dhe planet e reja profesionale. E ftuar në emisionin “Goca dhe Gra”, ajo tregoi se, megjithëse e pëlqen artin dhe ka pasion për muzikën, nuk e sheh veten si këngëtare.
“Kam shumë vesh për muzikë, por zëri nuk më ndihmon,” – u shpreh Kiara me humor. “Jam munduar, madje edhe me dëshirën për një duet me Luizin, por jo… në muzikë nuk dua të futem.”
Moderatorja, që shpesh është në qendër të vëmendjes për jetën personale dhe marrëdhënien me Luiz Ejllin, tha se ndjehet më e sigurt pas mikrofonit si prezantuese, aty ku është në elementin e saj.
Aktualisht, Kiara po përqendrohet tek karriera televizive dhe projektet mediatike, ndërsa fansat mbeten kureshtarë për çdo hap të ri që ajo do të sjellë në ekran.
