Arti shqiptar ka humbur sot një nga zërat e saj më të veçantë.
Ka ndërruar jetë sopranoja e mirënjohur Luiza Çako Papa, bashkëshortja e artistit të madh të muzikës operistike, Gaqo Çako.
Luiza Çako Papa ka pasur një karrierë të pasur dhe të spikatur në muzikën shqiptare, duke lënë pas vepra dhe interpretime që do të mbeten të gjalla në kujtesën e publikut.
Lexo edhe:
Ajo shquhej për talentin, elegancën dhe përkushtimin e saj ndaj artit skenik, duke kontribuar ndjeshëm në zhvillimin e kulturës muzikore në vend.
Artistja ishte gjithashtu nëna e kantautorit dhe këngëtarit të njohur, Piro Çako, i cili ka ndjekur gjurmët e familjes së tij në muzikë.
Ndarja nga jeta e saj lë një boshllëk të madh në artin shqiptar, ndërsa trashëgimia e saj artistike do të mbetet një gur themeli për brezat që vijnë.
