Një tjetër tragjedi është regjistruar së fundmi në aviacionin në botë. Sipas asaj që mediat e huaja raportojnë mësohet se avioni i kompanisë “Angara Airlines”, i cili gjatë orëve të para të mëngjesit të sotëm humbi kontaktet me kontrollorët e trafikut ajror, raportohet se është rrëzuar në rajonin lindor të Amurit.
Fatkeqësisht si pasojë kanë humbur jetën të gjithë pasagjerët të cilët ndodheshin në bord. Me këtë linjë ishin duke fluturuar 44 pasagjerë, mes pesë fëmijët si dhe gjashtë anëtarë të ekuipazhit. Por, për fat të keq askush prej tyre thuhet se nuk ka mundur që të mbijetojë.
SHIKO KETU:
Lexo edhe:
Avioni i “Angara Airlines” ishte duke udhëtuar nga qyteti i Blagoveshchensk në kufirin ruso-kinez drejt qytetit të largët të Tynda. Lidhur me këtë tragjedi ka reaguar edhe guvernatori i këtij rajoni, Vasily Orlov i cili ka bërë me dije se të gjitha forcat dhe mjetet e nevojshme ndodhen në terren me qëllim për të kërkuar aeroplanin.
“Të gjitha forcat dhe mjetet e nevojshme janë vendosur për të kërkuar aeroplanin”, tha Orlov në Telegram.
Agjencia e lajmeve TASS njoftoi se nuk pati të mbijetuar, ndërkohë që ka shtuar se deri më tani dyshohet se një gabim gjatë uljes të jetë bërë shkaktar i këtij aksidenti tragjik i cili i mori jetën 50 personave.
Trupi i djegur i avionit, i cili ishte nga epoka sovjetike dhe ishte gati 50 vjeç, u gjet nga një helikopter shpëtimi, thanë zyrtarët e emergjencës. Avioni i pasagjerëve Antonov An-24, i ndërtuar në vitin 1976 sipas numrit të bishtit të tij, dhe i operuar nga një linjë ajrore me bazë në Siberi të quajtur Angara, u zhduk nga radari këtë të enjte, ndërkohë që më pas u zbulua ajo çfarë kishte ndodhur me të.
