Lëngje frutash dhe perimesh që ju mbrojnë nga gripi, ja si t’i përgatisni me pak ingredientë

Vitamina C është një nga vitaminat më popullore në botë. Ajo ka marrë famë për aftësinë që ka në të luftuarit e të ftohtit dhe forcimin e sistemit imunitar.

Duke qenë se vitamina C tretet në ujë dhe organizmi nuk arrin ta prodhojë vetë, njeriu duhet të ushqejë trupin vazhdimisht me këtë vitaminë.

Rregulli i përgjithshëm është që të rriturit duhet të konsumojnë rreth 75-90 miligramë vitaminë C në ditë, por ka studime që rekomandojnë të paktën 500 miligramë në ditë.

Lexo edhe:

Shtatë mënyra për t’u siguruar që po merrni mjaftueshëm vitaminë D

Qendra ALERT ngre alarmin: Fileto, kofshë dhe krah pule në një Big Market në Tiranë, pa asnjë etiketë

7 mijë hapa në ditë mjaftojnë për të mbrojtur trurin dhe zemrën

Sa gjatë mund të durojë një person pa ushqim? Ja çfarë i ndodh trupit tonë ditë pas dite

Disa njerëz arrijnë të përballojnë edhe doza më të larta deri në 2000 miligramë vitaminë në ditë.

Ndaj sasia e 500 miligramëve konsiderohet një kufi i shëndetshëm, por kur bëhet fjalë për suplementë, AgroWeb.org ju këshillon që si fillim të konsultoheni me një mjek.

Portokalle dhe kunguj të njomë

Përbërësit

1 kungull të njomë ose kungulleshkë
1 portokall
Lëngu i një gjysëm limoni të shtrydhur
1 lugë gjelle me fara lini
1 filxhan me kuba akulli
Kur vjen puna tek lëngjet e plota, kungulli i njomë futet në listën e artikujve të anashkaluar.

Por niveli i lartë i kaliumit dhe vitaminës B6 e bën kungullin të domosdoshëm për këto lëngje.

Vitamina B6 ndihmon në trajtimin e disa çrregullimeve psikologjike dhe fizike, duke nisur që nga sëmundjet e zemrës, depresioni, gurët në veshka dhe humbja e kujtesës.

Portokalle, Spinaq dhe Luleshtrydhe

Përbërësit

42 gramë spinaq
1 portokalle e qëruar
Gjysëm filxhani me luleshtrydhe
Gjysëm lugë çaji me kanellë
1 filxhan me qumësht me pak yndyrë
1 filxhan me kuba akulli
Ky lëng është i pasur me fibër dhe plot shije. Portokalli dhe luleshtrydhet të sjellin pranverën ndërkohë që spinaqi shumë i pasur me hekur i dhuron energji të menjëhershme organizmit.

Kanella i jep një dimension shtesë çdo lëngu dhe së bashku me qumështin e bën lëngun kremoz sipas preferencës.

Portokalle, Panxhar dhe Karrotë

Përbërësit

140 gramë karrota të prera

1 kokërr panxhar

1 portokall i qëruar

1 gotë ujë

1 filxhan me kuba akulli

Ky lëng është i pasur me fibër dietike. Panxhari është një burim i mirë i fibrës dhe kaliumit, një mineral thelbësor për muskujt, ekuilibrat e lëngjeve dhe tensionit të gjakut.

Karrotat janë ndër perimet më të ushqyeshme që ofrojnë shumë minerale dhe një sasi të konsiderushme të vitaminës A./AgroWeb.org