Një aksident tragjik mësohet të ketë ndodhur mbrëmjen e djeshme ku humbën jetën dy rinj.
Burimet bëjnë me dije se viktimat jetonin në Marano sul Panaro, në provincën e Modenës.
Idris Kreshpaj, vetëm 18 vjeç, i lindur në Pavullo dhe jetonte me familjen në Marano.
Lexo edhe:
Në të njëjtën ndërtesë banonte edhe Rida Sidrine, 24 vjeç, me origjinë marokene, por banues në qytetin kodrinor në provincën e Modenës.
Dy djemtë ishin fqinjë dhe miq të ngushtë prej kohësh, siç raportohet nga Resto del Carlino.
Aksidenti ndodhi rreth orës 21:00 në rrugën për në Sassuolo, në një rrugë të drejtë pranë kryqëzimit me via Beslan.
Ndërsa mësohet se një person i tretë, shoku i tyre, i cili udhëtonte me ta në të njëjtën makinë, ka mbetur i plagosur rëndë.
Sipas një rikonstruksioni fillestar, makina në të cilën ndodheshin pesë djemtë, automjet tip Citroen C3, u përmbys disa herë përpara se të përplasej me gardhin e një shtëpie.
Ndërkohë bëhet me dije se autoritetet po vijojnë hetimet për zbardhjen e dinamikës së ngjarjes.
Por nga gjetjet fillestare duket se nuk janë përfshirë automjete të tjera.
Djali më i plagosur rëndë, një njëzet vjeçar, aktualisht ndodhet i shtruar në terapi intensive në spitalin Maggiore në Bolonja.
