Biznesmeni Albert Krasniqi u qëllua për vdekje nga babi i tij, Skënder Krasniqi. Kjo ngjarje e rëndë ka tronditur pasditen e së mërkurës kryeqytetin e Kosovës, Prishtinën.
Krimi tronditës ndodhi rreth orës 17:00 në rrugën “Ndue Prelleshi”, ndërsa pas ngjarjes autori i dyshuar i vrasjes njoftoi policinë duke e informuar për aktin e rëndë.
Lexo edhe:
Pas vrasjes së të riut, i cili dikur ka qenë pjesë e labelit “Babastars” si menaxher i reperit Skivi, kanë reaguar në rrjetet sociale këngëtarët shqiptarë, mes tyre Gold Ag, Stresi dhe Gentinjo.
“Buddy nuk po m’besohet qe shkove. Pse kaq heret? Pse? Ne momentet me te mira e me te keqija gjithmone ke qene aty per mu. Je kon, je, dhe do t’mbetesh shoku ma i mire e ma besnik qe e kom pas najher n’jete.
U prehsh ne paqe ”- shkroi, Skivi në një postim në Instagram, teksa ndau me ndjekësit edhe disa fot me të ndjerin.
“Kush te ka njoft tka dasht, me deshte Dhe te deshta Albert ! Kjo bote eshte e flliqt shihemi ne boten tjeter Zoti Eshte I Madh ”- ishte statusi i Stresit.
Ndërkohë miku i tij, tjetër Cozman shkroi: “U prehsh në paqe vëlla, fjalët nuk mund ta përshkruajnë sesi ndihem tani.”
Albert Krasniqi raportohet se ishte në kërkim nga policia në lidhje me një rast të dhunës fizike ndaj Besa Gashit, ish-bashkëshortes së tij.
Sipas mediave kosovare, vrasja e biznesmenit ndodhi pas një përplasje që ai pati me babanë e tij, që i kishte kërkuar që të dorëzohej në polici pasi kishte ushtruar dhunë ndaj ish-gruas së tij, me të cilën ka dhe një vajzë.
Pak ditë më parë, u dha lajmi edhe mbi ndarjen e çiftit, të cilët vendosën t’i japin fund martesës së tyre disa vjeçare.
