Një 18-vjeçar nga Podujeva ka ndërruar jetë një ditë më parë, pasi mori plagë të rënda nga goditja me makinë dhe më pas u dhunua brutalisht me shufra metalike.
Lajmin për ndarjen nga jeta e të riut e ka bërë të ditur familja e tij. Ndërkohë kujtojmë se Lulzim Fejzullahi prej ditësh ishte në QKUS, ku edhe ndërroi jetë.
Sipas Indeksonline, viktima kohë më parë kishte humbur dhe dy prindërit e tij. Ndërsa në lidhje me ngjarjen janë arrestuar deri më tani nga Policia e Kosovës dy persona.
Ndërkohë, Prokuroria Themelore e Prishtinës ka deklaruar se rasti i iniciuar fillimisht si “Vrasje në tentativë” tani është ricilësuar si “Vrasje e rëndë” ndërkaq të dyshuarit janë dërguar në masë të paraburgimit.
