Teksa në “Për’puthen” po ndihet prej ditësh mungesa e Andit, i cili nuk dihet nëse do të rikthehet më apo jo në program, një tjetër konkurrent ka vendosur të largohet përfundimisht. Bëhet fjalë për Eminin, konkurrentin kosovar i cili kohë më parë shprehu se do të qëndronte në program vetëm për Anën e parë, e cila u përjashtua pas fotos në shtrat me Arjonin. Ndoshta përjashtimi i Anës dhe distanca e tij me konkurrentet e tjera, e kanë shtyrë Eminin të marrë këtë vendim. Ai e ka komentuar largimin e tij nëpërmjet një statusi në Instagram, ku shkruante:
“Me vërtet nuk di nga të filloj dhe ku të mbaroj. Jeta së bashku me disa persona shumë të veçantë të bëjnë të marrësh vendime të papritura. Me ëktë deklaratë dua të them se unë nuk do jem më pjesë e emisionit që po thyen çdo rekord shikueshmërie në gjitha vendet, pra emisioni Për’puthen. Sa jemi tek emisioni me vërtet dua të falenderoj nga zemra zonjën e shtëpisë Olsa Muhameti, pa harruar Arjan Konomin që dija e tij sot i mungon shumë shoqërisë sonë. Falenderoj edhe personin më pozitiv që kam njohur, Bora Zemanin, duke i kërkuar falje për gjithë nervozizmin që i kemi shkaktuar. Tani dua të dal tek një falenderim tjetër i veçantë…aty njoha dy persona që do i ruaj gjithmonë brenda zemrës. Besoj të gjithë e dini që janë Andi Shehu dhe Mevlan Shaba. Iu kërkoj falje të gjithëve që i kam bërë të ndihen keq dhe të gjithëve iu uroj më të mirat e zemrës.”
