Një 36-vjeçar është ndalur mbrëmjen e sotme në Këlcyrë, pasi dyshohet se ka ngacmuar seksualisht një nxënëse 14-vjeçare.
Sipas burimeve policore, autori i dyshuar, shtetasi me iniciale N. J., punonte si shofer i furgonit që transportonte nxënësit. Sakaq mësohet se 36-vjeçari ngacmonte seksualisht të miturën për rreth një vit.
Njoftimi i policisë:
Këlcyrë, Përmet
Ngacmoi seksualisht një 14-vjeçare në furgonin me të cilin transportonte nxënësit, ndalohet 36-vjeçari.
Specialistët për Hetimin e Krimeve në Stacionin e Policisë Këlcyrë pas kallëzimit të bërë nga një 14-vjeçare se drejtuesi i furgonit që transportonte nxënës shkolle, e kishte ngacmuar seksualisht në mënyrë të vazhdueshme përreth 1 viti, menjëherë kanë organizuar punën për kapjen e tij.
Si rezultat i punës, është bërë kapja e shtetasit N. J., 36 vjeç, banues në fshatin Katundisht, Këlcyrë dhe në përfundim të veprimeve të para hetimore është bërë ndalimi i tij për veprën penale “Ngacmimi seksual”.
Materialet procedurale i kaluan Prokurorisë për veprime të mëtejshme.
