SPAK është duke “qepur” disa nga dosjet më të bujshme të korrupsionit në vend duke futur pas hekurave politikanë të njohur, kurse nën hetim janë edhe figura si Sali Berisha.
Dje, gazetari Denis Dyrnjaja ka njoftuar përmes një postimi në rrjetin sociale Facebook, se një ndër personazhet e njohur që janë thirrur në SPAK është dhe biznesmeni i njohur Samir Mane.
Sipas gazetarit, Mane është marrë në pyetje për pesë orë nga prokurorët e SPAK.
“ Zamir Mane në SPAK?! Kam përshtypjen që lajmi më i rëndësishëm i këtyre ditëve është thirrja dhe pyetja e biznesmenit Zamir Mane në SPAK, për të cilën askush nga këta komentatorët dhe analistët me ose pa pagesë nuk flet. Të gjithë komentojnë Sali Berishën nga mëngjesi deri ne darkë si muhabet kafeneje. Pshm mbrëmë thuhej nëpër banaqet televizive se ka llafe lart e poshtë se ka ikur Ilir Meta. O ka ikur, ose s’ka ikur. Nëse ka ikur verifikohet në sistemin TIMS dhe thuhet si fakt. Ilir Meta është larguar nga Shqipëria. Po kështu me duket se ka ikur… flitet se ka ikur…ndoshta ka ikur por kthehet…janë si biseda tallavaje që flet njeri në një tavolinë kafeneje në fshat dhe dëgjojnë te gjithë të tjerët ne lokal plot habi e kërshëri”, tha ai. Gazetari theksoi se u takon atyre që kanë burime të thonë për çfarë biznesmeni është thirrur në SPAK.“Askush, as nga drejtuesit e as nga te ftuarit se përmendën këtë zhvillim se njeriu më i pasur në Shqipëri, biznesmeni Zamir Mane është thirrur në SPAK e ka qëndruar para hetuesve për plot 5 orë. Ndoshta nuk kanë pasur dijeni, ndoshta goja dhe mendimet të bllokohen kur bëhet fjalë për sponsorin. Tani u takon atyre që kanë burime të na thonë për çfarë biznesmeni Mane është thirrur në SPAK. Ka dalë edhe një si “honorar” 5 mln euro. Për kë është taksur ky” honorar?!”, tha ai.
