Një ngjarje me pasoja fatale është regjistruar ditën e djeshme në qytetin e Gjakovës.
Shtetasi Rexhë Brahimaj ka humbur jetën si pasojë e goditjeve me armë të ftohtë. Incidenti është shënuar gjatë orëve të para të mëngjesit dhe pavarësisht ndërhyrjes mjekësore, i dëmtuari nuk ka arritur t’u mbijetojë plagëve të marra.
Lidhja e viktimës me personazhe të hapësirës publike është zbuluar nga vetë ata përmes rrjeteve sociale.
Lexo edhe:
Ish-pjesëmarrësi i formatit “Përputhen”, Atdhe Xharavina, ka bërë të ditur miqësinë e tij me të ndjerin përmes një postimi në llogarinë e tij në Instagram.
Ai ka publikuar një imazh bardh e zi të viktimës, të cilin e ka shoqëruar me mbishkrimin: “Qofsh banor i luleve të xhehnetit miku im”.
Krahas kësaj, Brahimaj rezulton të jetë vëllai i Egzona Muçiqit, bashkëshortes së këngëtarit Albatrit Muqiqi, e cila gjithashtu ka konfirmuar humbjen e familjarit përmes platformave online.
Organet e rendit kanë nisur procedurat e nevojshme hetimore për zbardhjen e dinamikës së plotë të ngjarjes, si dhe për identifikimin dhe kapjen e autorit të dyshuar.
