Dy artistët kosovarë, Robert Berisha dhe Patris Berisha humbën dy ditë më parë një nga personat më të shtrenjtë në jetën e tyre. Këngëtarët e bënë me dije lajmin e hidhur përmes rrjeteve sociale, ku ndanë dhe dhembjen me fansat e publikun.
“Pusho e qetë mami jem per ty me shkru kom shum, po e la me kaq”, shkroi Roberti përkrah një fotografie me nënën e tij, ndërkohë që së fundmi ai ka prekur zemrat e të gjithëve me fjalët për të ëmën e ndjerë.
“Nënat nuk shkojnë në parajsë kur vdesin. Ato marrin një leje speciale nga Zoti për të qëndruar pak më gjatë rrotull dhe për të parë fëmijët e tyre, pa pasur rëndësi se çfarë ka ndodhur mes tyre në jetën e tyre të shkurtër të vdekshme”, ishin fjalët e tij në një postim në Instagram Story.
Lexo edhe:
Edhe ish bashkëshortja e Berishës, Nora Istrefi tregoi trishtimin e saj pas humbjes së ish vjehrrës.
“Ke qenë gjithmonë shoqja ime, të kam dashur dhe më ke dashur. Uroj me zemër që shpirti yt I bardhë dhe një grua me kaq shumë vlera të pushojë e qetë dhe në paqe Teuta,” ka shkruajtur Nora krahas fotos të të ndjerës me vajzën e çiftit, Renee.
