Rudina Dembacaj ka zbuluar se kur ishte 16 vjeç ka pajtuar nga gjakmarrja 4 familje. Gjatë intervistës me Rozana Radin, në “Një gote me Rose”, Rudina tregoi se kur ishte e vogël u inspirua nga i ati për të mësuar më shumë rreth Kanunit.
Pjesë nga rrëfimi:
“Unë kam qenë shumë natyrë diplomate. Asokohe babi im fliste shumë për Kanunin, nuk ma dha ta lexoja në mënyrë shabllone por ma interpretoj dhe unë kam qenë shumë e interesuar të di çdo gjë për origjinën time që është Kelmendi, për ligjet e Kanunit, se cilat ishin të drejta sipas tim ati e se cilat jo. Im atë ishte një diplomat nga Malësia, nuk më kufizoi asnjëherë të isha vetja as mua as motrën time. Një porosi e tij ishte: mos e rrej veten kurrë.
Lexo edhe:
Duke qenë kaq e përfshirë, me origjinën time, unë kisha marrë një lloj frymëzimi që këto familje që ishin në gjak duhet të pajtoheshin. Unë i mbaj mend shumë pak si emra, madje motra më ka detyruar të gjej dokumenta nga ajo kohë, se unë nuk i kam të dokumentuara, e dua ti gjej”.- ka thënë Rudina.
Më tej ajo ka treguar se ka dëshirë ti takojë këto familje.
”Unë e kam ndjerë asaj kohe, e jam shumë krenare për këtë pjesë të jetës pavarësisht se nuk më ka rastisur të flas. Dua ti takoj, jam shumë kurioze të di si ka vazhduar jeta e tyre”
