Presidenti rus Vladimir Putin urdhëroi fregatën “Admiral Gorshkov”, të dërgohej në shërbim luftarak të mërkurën. Anija do të ndërmarrë një udhëtim detar me rreze të gjatë nëpër Oqeanin Atlantik dhe Indian, si dhe Detin Mesdhe.
Fregata është e pajisur me “sistemin më të fundit të raketave hipersonike Zircon, i cili nuk ka analoge – një sistem hipersonik me bazë deti – si dhe armë të tjera të gjeneratave të fundit”, tha Putin, duke folur përmes lidhjes video me Shoigu dhe komandantin e anijes Igor Krokhmal.
“Jam i sigurt se armë të tilla të fuqishme do të bëjnë të mundur mbrojtjen e besueshme të Rusisë nga kërcënimet e mundshme të jashtme dhe do të ndihmojnë në sigurimin e interesave kombëtare të vendit tonë”, shtoi Putin.
Lexo edhe:
Sipas Shoigu, fregata do të “kryejë ushtrime” me raketa hipersonike Zircon.
“Jam shumë i lumtur, urime! Kjo është një punë e madhe e përbashkët, e cila përfundoi me një rezultat të mirë dhe të pritshëm”, tha Putin përpara se të urdhëronte fregatën që të “fillonte të kryente detyrat”, ka thënë ministri i Mbrojtjes Sergei Shoigu, raporton media shtetërore ruse TASS.
