Catherine Ommanney ka folur së fundmi për lidhjen e saj 1-mujore me Princ Harry-n, kur ai ishte vetëm 21 vjeç dhe ajo ishte 34 vjeçe, nënë e dy fëmijëve.
Pavarësisht diferencës së moshës 13-vjeçare, ylli nga reality show amerikan pati kohën më të mirë të jetës në vitin 2006 me princin, i cili i dha asaj puthjen më pasionante që ka pasur ndonjëherë.
E divorcuar, tani 51 vjeçe, Catherine tha për “The Sun” se ata silleshin si adoleshentë dhe putheshin me pasion gjatë takimeve dhe madje pozuan për një foto në një vaskë së bashku.
Lexo edhe:
Madje nëna e dy fëmijëve pretendon se Harry ëndërronte të bënte një jetë të zakonshme. Catherine mendoi të fliste tani, pasi mësoi se Harry, po shkruan për ish-të dashurat në librin e tij të ri.
“Unë dyshoj se do të jem në librin e Harry-t pasi një princ nuk mund të shkoj me një nënë 34-vjeçare të dy fëmijëve, thjesht nuk është gjë që ia vlen të tregohet”, tha ajo për “The Sun”.
Catherine, e cila dikur mori pjesë në shfaqjen televizive ‘The Real Housewives of DC’, u nda nga ish-bashkëshorti Stephen kur ajo dhe Harry u takuan në Art Bar në Chelsea të Londrës në maj 2006.
“Jam e sigurt se do të takohemi përsëri, sepse bota është një vend i vogël. Shpresoj që ai të jetë i lumtur dhe të ketë gjetur pak liri më në fund, sepse kjo është diçka që ai e kërkonte me dëshpërim atëherë. Shpresoj që Meghan të kujdeset për të dhe nuk i uroj asgjë tjetër përveç lumturisë dhe suksesit, sepse ai është një qenie njerëzore shumë e guximshme, karizmatike, inteligjente dhe e dashur”, tha ajo.
Në fund të tetorit, Princi Harry publikoi detaje rreth librit të tij me kujtime, të titulluar “Spare”. Sipas personalitetit televiziv Elanie Lui, e cila ka punuar me mikun e Meghan Markle, Bel Mulroney, beson se ka një kuptim të fshehur pas titullit.
