Ju ka ndodhur që t’i lyeni flokët vetë në shtëpi por nuanca e tyre është shumë më e errët nga sa e prisnit. Përpara se të përhapni panik dhe të mendoni se flokët tuaj janë shkatërruar, duhet të dini se ka mënyra për të çelur ngjyrën.
Përdorni një shampo për pastrim të thellë
Lahuni sa më shpejt që të keni mundësi, duke përdorur një shampo për pastrim të thellë. Menjëherë pas kësaj, mos harroni të përdorni një maskë ushqyese për të hidratuar flokët tuaj që i keni “torturuar” aq shumë me bojën.
Lexo edhe:
Konsultohuni me shitësin ku keni blerë bojën
Nëse ngjyra e flokëve nuk ju duket mirë ose nëse përballeni me ndonjë problem tjetër me bojën tuaj, atëherë komunikoni me përfaqësuesin e kompanisë që t’ju ofrojë këshilla se çfarë mund të bëni më pas.
Shkoni te parukieri juaj
Nëse ngjyra nuk funksionoi dhe asnjë nga këshillat e mësipërme nuk ju ndihmoi, duhet të vizitoni parukierin tuaj për të marrë më në fund rezultatin profesional që dëshironit.
