Të gjithë kemi ditë kur flokët nuk janë në formën më të mirë ndoshta janë pak me yndyrë, të parregullt, ose thjesht nuk keni pasur kohë për t’i larë. Por kjo nuk do të thotë që s’mund të dukeni bukur. Ja tre mënyra të shpejta dhe efektive për të rregulluar flokët, pa shumë mundim e pa larje.
1. Topuzi i lartë i çrregullt
Mblidhni flokët lart dhe bëni një topuz të lirshëm. Mos e shtrëngoni shumë pak “çrregullim” e bën të duket më natyral dhe modern. Lërini disa fije të bien pranë fytyrës për një pamje më të butë dhe më tërheqëse. Kjo frizurë është ideale për ditët kur flokët kanë pak yndyrë, sepse fshihet bukur dhe ju kursen kohë.
Lexo edhe:
2. Bishti i ulët anash
Nëse doni diçka më të kujdesshme, bëni një bisht të ulët, të vendosur pak në njërën anë. Mund të lini disa fije të lirshme përpara ose të mbështillni një tufë të vogël floku rreth gomës për t’i dhënë më shumë elegancë. Është një stil i thjeshtë, por i përshtatshëm si për ditë pune, ashtu edhe për dalje.
3. Kapje e përparme me flokët e lirë
Merrni një pjesë të flokëve nga pjesa e përparme, përdredhni pak dhe fiksojeni me një kapëse të vogël në pjesën e pasme. Lërini pjesën tjetër të flokëve të lirë. Kjo frizurë i jep pamjes tuaj një ndjesi freskie dhe hap fytyrën, ndërsa pjesa e kapur ndihmon të fshihet yndyra tek rrënjët.
Ndonjëherë flokët nuk kanë nevojë për larje, por për pak kreativitet. Me pak volum, një kapëse dhe një grimë vetëbesim, mund të dukeni po aq bukur sa në ditët kur sapo keni dalë nga parukeria.
