Bruce Willis shfaqet i buzëqeshur krah gruas së tij, Emma Hemming vetëm pak ditë pasi njoftoi se ishte tërhequr nga aktrimi për shkak të një problemi shëndetësor. Aktori shihej i lumtur me bashkëshorten në foton e shkrepur nga vajza e tyre 10-vjeçare, Mabel.
Fotoja shoqërohej me fjalët: “Mami dhe babi në vendin e tyre të preferuar”. Kjo është dalja e parë publike që kur zbuloi se ishte diagnostikuar me afazi, një gjendje që prek aftësinë në të komunikuar. Lajmin e pakëndshëm e bëri me dije familja e tij përmes një deklarate.
Lexo edhe:
“Për mbështetësit e mrekullueshëm të Bruce, si familje ne donim të ndajmë se Bruce ynë i dashur kishte disa probleme shëndetësore dhe së fundmi u diagnostikua me afazi, e cila ndikon në aftësitë e tij njohëse,” shkroi familja duke shtuar se ai do të tërhiqej nga aktrimi.
