Aktori Cole Sprouse ka folur për efektet dhe traumat e famës në moshë të hershme duke shprehur se duhet një periudhë e gjatë për t’u rikuperuar.
29-vjeçari e ka nisur karrierën në moshë të re duke punuar në platformën e madhe Disney Channel në “The Suite Life of Zack and Cody.”
Ai foli në një intervistë për New York Times ku shprehu se fama e madhe që mori në moshë të re i ka shkaktuar atij “traumë.”
“Vajzat e reja në kanalin ku ishim në [Disney Channel] u seksualizuan aq shumë në një moshë më të hershme sesa unë dhe vëllai im. Nuk ka absolutisht asnjë mënyrë që ne të mund të krahasonim përvojat tona, dhe çdo person i vetëm që kalon atë traumë ka një përvojë unike. Kur flasim për fansat e çendur të fëmijëve, ajo që në fakt nuk po flasim është se si fama është një traumë,” vazhdoi ai.
“Kështu që unë jam kundër njerëzve që tallen me disa nga vajzat e reja që ishin në kanal kur isha më i ri, sepse nuk mendoj se ata e kuptojnë në mënyrë të duhur humanizmin e asaj përvoje dhe atë që duhet për t’u rikuperuar,” tha Cole.
“Dhe, të jem shumë i sinqertë, tani kam kaluar në një raund të dytë të madh të kësaj loje të famës si i rritur, dhe kam vënë re të njëjtat efekte psikologjike që jep fama mbi një grup të rinjsh në moshë madhore siç kam bërë kur isha fëmijë.”– përfundoi ai.
