Rezidenca e David dhe Victoria Beckham në Londër u grabit ndërsa çifti i famshëm ndodheshin brenda. Ngjarja besohet se ka ndodhur në mbrëmjen e 28 shkurtit, ndërsa ata ishin në shtëpi me vajzën e tyre 10-vjeçare, raporton The Sun.
Ata nuk kishin kuptuar asgjë deri në momentin kur djali 17-vjeçar i çiftit, Cruz Beckham, u kthye në shtëpi dhe gjeti një dritare të thyer. Familja thuhet se ka kërkuar për hajdutin, i cili ishte larguar nga ndërtesa deri në atë moment.
Policia konfirmoi se kishin marrë një thirrje rreth orëve të para të mëngjesit në një zonë banimi në Kensington. Ndërkohë raportohet se një sërë sendesh me vlerë mijëra paund janë vjedhur. David dhe Victoria janë të tronditur dhe kanë urdhëruar një rishikim të sigurisë.
Lexo edhe:
