Këngëtarja e njohur, Rezarta Shkurta, është mjaft aktive në rrjetet sociale, ku herë pas here ndan me ndjekësit edhe foto apo video nga jeta e saj private.
Ditën e sotme, ajo ka kujtuar gjyshen e bashkëshortit të saj, Nexhmije Hoxhën. Rezarta ka ripostuar në “Instastory”, një video që ka publikuar më 26 mars të vitit 2020, ditën e vdekjes së gruas së ish-diktatorit Enver Hoxha.
Rezarta është shprehur se e ka njohur si një gjyshe, jo si politikane dhe kjo është e vetmja shëmbëlltyrë e saj që mban mend.
“Tek po bëja scroll postimeve, më doli para kjo video dhe ndjeva mallëngjim. Në fëmijërinë time, gjyshërit nga babi nuk arrita t’i njoh. Gjyshen nga mami e humba kur isha e vogël. Ti ishe e vetmja shëmbëlltyrë e gjyshes për mua.
Unë nuk e njoh politikën, e nuk dua ta njoh. Unë të njoha ty si një gjyshe të mençur, që të gjeja duke shkruar, dhe të lija sërish me penë në dorë”, ka shkruar Shkurta përmbi video.
