Këngëtarja amerikane Traci Braxton ka ndërruar jetë në moshën 50-vjeçare. Lajmin e trishtë e ka konfirmuar familja e saj përmes një deklarate për mediat. Këngëtarja vuante nga kanceri i ezofagut, të cilin nuk arriti ta mposhte dot.
“Pas një viti që i është nënshtruar privatisht një sërë trajtimesh për kancerin e ezofagut, e dashura jonë Traci Braxton ka shkuar drejt lavdisë”, tha bashkëshorti i saj Kevin Surratt. Traci njihej gjithashtu edhe si një aktore.
Ajo luajti në “Sinners Wanted”, “The Christmas Lottery” dhe në “There’s a Stranger in My House”.
