Këngëtari i njohur, Naim Bunjaku, i njohur si Xuxi, ka zbuluar së fundmi se ka vite që është shkëputur nga muzika, që nga koha e “The Voice”.
Në atë kohë, ai ka qenë në juri me këngëtarin e dashur për publikun, Alban Skënderaj, me të cilin është shprehur se nuk do të bashkëpunonte. Xuxi tregoi se ka një shoqëri shumë të afërt me këngëtarin, por u përkasin zhanreve të ndryshme.
“Projekti i fundit ka qenë kënga që kam pjesë në “Festivalin shqiptar”, gjatë kohës që isha pjesë e jurisë së “The Voice of Albania” me Alban Skënderajn. Me Albanin jam shumë i afërt, përveç ne të dy edhe bashkëshortet tona janë mike. Nuk e mendoj se do bënim një bashkëpunim se nuk mendoj se flem bashkë në të njëjtin zhaner muzikor. Ai është pak më i butë, ndërsa unë jam te këngët më të forta”, tha Xuxi teksa ishte i ftuar në “Abc e mëngjesit”.
