Presidenti ukrainas Volodymir Zelensky i bëri një kërkesë të qartë Bashkimit Evropian, teksa ju kërkoi të provojnë me vepra se janë në mbështetje të Ukrainës.
Teksa ditën e djeshme Zelensky firmosi kërkesën drejtuar BE-së për tu anëtarësuar në këtë unitet, sot ai kërkoi mbështetjen, teksa ju drejtua Parlamentit Evropian nëpërmjet një video-lidhjeje.
“Ne po luftojmë për të qenë anëtarë të barabartë të Evropës,” tha Zelensky në gjuhën ukrainase, në një fjalim të përkthyer në anglisht nga një përkthyes që foli mes lotësh.
“Provoni se jeni me ne. Provoni se nuk do të na lini të shkojmë. Provoni se jeni vërtet evropianë dhe atëherë jeta do të fitojë mbi vdekjen dhe drita do të fitojë mbi errësirën,” tha ai. “BE do të jetë shumë më e fortë me ne.”- përfundoi presidenti ukrainas.
Zelensky ka qëndruar në Kiev, duke mos pranuar në asnjë moment të largohet nga vendi I tij, ku po mbledh e po mobilizon ushtrinë kundër trupave ruse. Teksa ai po fliste, një kolonë e blinduar ruse po godiste kryeqytetin e Ukrainës.
“Ne jemi me ju”, u përgjigj nënkryetari i Komisionit Evropian Maros Sefcoviç, duke theksuar se BE do t’i sigurojë Ukrainës dhe armë, përveç goditjes së Rusisë me sanksione, në përpjekje për të ndaluar sulmet.
