Javën e kaluar Arjola doli nga shtëpia e Big Brother VIP duke humbur mundësinë e fitores së çmimit të madh që BBV ka vënë në dispozicion për fituesin.
Mungesa e saj në shtëpi është vënë re shumë nga ndjekësit e programit por edhe nga banorët që kanë mbetur finalistë.
Iliri duket se është ai që ia ndjen më tepër mungesën pasi ishin lidhur shumë me njëri-tjetrin dhe kishin kaluar shumë kohë bashkë. Por tani që Arjola nuk është në mesin e tyre, Iliri kur gjen rastin e përshëndet aktoren dhe i dërgon puthje nga ekrani.
Një moment të tillë Arjola e ka ndarë në Instagram duke shkruar numrin e televotimit për Ilirin, gjithashtu e ka quajtur edhe “Shpirti i motrës” dhe i ka bërë tag bashkëshortes së Ilirit.
Kujtojmë se pak ditë para daljes së Arjolës nga shtëpia e BBV, ajo dhe Iliri shkëmbyen disa puthje në buzë si pjesë e provës javore të caktuar nga “Vëllai i Madh”. Por bashkëshortja e Ilirit e konsideroi këtë moment si diçka normale që mund të ndodhë kur dy aktorë luajnë një rol filmi.
