Ai është një nga këngëtarët më të dashur për publikun shqiptar dhe numëron shumë hite.
Fama e tij është përhapur edhe jashtë kufijve për shkak të popullaritetit të disa këngëve të tij. Është fjala për Butrint Imerin, i cili së fundmi ka zvilluar një koncert në Nju Jork.
E teksa performonte, atij i ka ndodhur një e papritur, pasi ka marrë një goditje në kokë. Në një video të publikuar nga media kosovare “Insajderi”, duket se një person i paidentifikuar i ka gjuajtur me një shishe këngëtarit, ndërkohë që ai shihet teksa fërkon kokën.
Edhe pse nuk bëhet fjalë për një lëndim serioz, ende nuk dihet nëse bëhet fjalë për një incident aksidental apo të qëllimshëm.
