Pak muaj më parë bëri bujë të madhe rregullimi i marrëdhënieve mes Stresit dhe Noizyn. Stresi ka deklaruar se i kanë dhënë fund çdo keqkuptimi dhe tani secili vijon rrugën e tij, ndryshe nga sa kanë pritur disa reperë.
Madje, mbrëmjen e djeshme ata i surprizuan të gjithë kur Stresi publikoi një foto të profilit të TikTok-ut të Noizyt në Instastoryn e tij, ku ky i fundit promovon një event të rëndësishëm. Postimi u rishpërhda më pas edhe nga Noizy.
Por, pas gjithë kësaj fshihej një kauzë humane, të cilën ky i fundit e zbuloi vetëm sot, pas sfidës.
Lexo edhe:
Qindra mijëra njerëz u bënë pjesë e sfidës së tij, nga ku Noizy grumbulloi miliona “monedha” të cilat të konvertuara në para do të gëzojnë plot tre familje! Me lojën e mbrëmshme do të ndërtohen tre shtëpi.
Lajmin e mrekullueshëm e ka ndarë reperi para pak minutash në rrjetet sociale të tij duke thënë mes tjerash se “puna fillon sot” për ndërtimin e tyre. Ai ka përzgjedhur zona të ndryshmë të Shqipërisë për t’iu gjendur pranë, familjeve në nevojë. Një shtëpi do të ndërtohet në Kukës, tjetra në Tropojë dhe e treta në Durrës.
