Mevlan Shaba është një nga ish-konkurrentët më të komentuar të “Për’puthen”.
Edhe pse nuk arriti që të gjente dashurinë e tij brenda emisionit të dashurisë, ai plotësoi ëndrrën e tij, të realizonte sa më shumë këngë.
Mbrëmjen e djeshme ai ishte i ftuar në “Për’puthen Prime”, ku vendosi që të këndonte për herë të parë këngën e tij më të re.
Por jo vetëm kaq, pasi moderatorja Bora Zemani e ngacmoi atë rreth hyrjes së Antonela Berishës në “Big Brother VIP”.
I pyetur se çfarë mendon për hyrjen e saj në shtëpinë më të famshme në Shqipëri, Mevlani tha se “është vajzë me shumë karakter të fortë”.
“Ne e dimë se Antonela është një vajzë shumë me karakter të fortë. Edhe besoj që mund të japë diçka aty brenda dhe i uroj suksese, asgjë tjetër”, tha Shaba, i cili ka pasur takime mjaft romantike me Berishën kur ishin pjesë e reality show-t.
Ndërsa i pyetur nëse mendon se do dashurohet me një nga djemtë aty brenda, Mevlani me humor shprehet:
“Se di. Ajo zakonisht ka qejf ato çunat me bark, nëse ka ndonjë me bark aty. Se di, se di”.
