Gazetari Arsen Rusta ka hedhur dyshime se vrasja e Mateo Vasiut nga fqinji i tij, Klodian Çalamani mund të jetë një hakmarrje e tij ndaj xhaxhait të viktimës për një ngjarje të 15 viteve më parë kur të dy ata kanë marrë peng një vajzë e cila kishte refuzuar një lidhje dashurie.
Rusta tha në Publikisht në RTSH se i vetmi që bëri burg për këtë ngjarje ishte Çalamani ndërkohë që Vasiu nuk u vu asnjëherë në prangat e policisë pavarësisht se pati dënim nga gjykata.
“15 vite më parë ata kanë mashtruar një vajzë që kishte refuzuar një lidhje dashurie me xhaxhanë e djalit. Policia ka gjetur një tufë flokësh dhe një tufë xhami që i përkasin një shishe që ata që ia kanë thyer në kokë. Xhaxhai i viktimës nuk është arrestuar kurrë për këtë ngjarje. Edhe Florian Vasiu është dënuar me katër vite, por nuk është arrestuar asnjëherë”, tha Rusta.
Lexo edhe:
Rusta deklaroi se nga raporti mjeko ligjor ka rezultuar se ndaj 8-vjeçarit Mateo Vasiu nuk ka pasur as përdhunim dhe as tentativë përdhunimi. Ai u shpreh se kanë qenë kamerat e sigurisë së shtëpisë së xhaxhait të viktimës që kanë drejtuar efektivët drejt zbulimit të Çalamanit.
“Kemi një raport mjeko ligjor. Nuk kemi as përdhunim dhe as tentativë për përdhunim. Çfarëdo që të ndodhë Klodiani sot ka prerë një biletë për burg për jet. Në vitin 2006 Çalamani bashkë me xhaxhanë e djalit i hoqën lirinë një vajze. Ka qenë kamera e shtëpisë së këtij xhaxhai që zbardhi këtë ngjarje. Kur janë hapur kamerat kanë parë Mateon duke lëvizur në rrugën e lagjes me biçikletën e lagjes. Shkojnë dhe i thonë ku është djali. Ai thotë nuk kam dijeni. Aty më pas e ka pranuar dhe është bërë më pas gërmimi”, u shpreh gazetari.
