Këngëtarja Adelina Thaçi ka zbuluar se është infektuar nga Covid-19. Nëpërmjet një postimi, ajo ka treguar se në testin e bërë, rezultati ishte pozitiv. Teksa ka siguruar të gjithë se është në gjendje të qëndrueshme shëndetësore, Adelina ka bërë edhe një thirrje publike.
“Të dashur miq e familjarë, pas kaq muajve të kujdesit në maksimum nga ky virus, pa dal asnjëherë pa maska pa doreza, 3 muajt e para pa dalë fare nga shtëpia. Në mesin e kësaj populate kemi kaq shumë njerëz të papërgjegjshëm që i hasim dhe e fshehin pa asnjë fije turpi.
Unë hasa këto simptoma: Lodhje të trupit, dhimbje të syve, kokës dhe qafës, humbje të shijes dhe nuhatjes, temperaturë 37.5. E bëra testin dhe dola pozitive. Ju lutem mos e fshihni që jeni me virus, mos dilni pa masa mbrojtëse, e ju njerëz që e fshihni duhet tju vijë turp, e di që jeni të shumtë. Me respekt, Adelina Thaçi Meta.”
