Autoritetet policore greke kanë bërë një skicë të një prej autorëve të vrasjes barbare të 20-vjeçares Caroline në Glyka Nera.
Sipas SKAI, autoritetet dolën me një skicë të një autori përmes përshkrimit të burrit të saj i cili ishte në shtëpi natën fatale. Ai është “i shkurtër”, siç e përshkroi ai, vrasësin. Imazhi i tij është shumë afër asaj që mund të shihte. Bazuar në skicën, numri i të dyshuarve u zvogëlua nga 150 fillimisht në 30-35 të etiketuar dhe të gjithë kanë të shkuar kriminale.
Nën lupën e autoriteteve janë të paktën tre automjete të dyshimta që në kohën kritike janë kapur në kamera sigurie dhe video. Autoritetet besojnë se hetimet janë në një nivel shumë të mirë sa i përket identifikimit të një prej autorëve. Hetuesit e policisë po vazhdojnë intensivisht përpjekjet për të zbardhur çështjen.
Lexo edhe:
Si ndodhi ngjarja?
Ngjarja e rëndë ka ndodhur në Greqi, pak javë më parë ku tre persona shkuan për të grabitur shtëpinë e çiftit. 20-vjeçarja u gjet e vrarë, në papafingo të shtëpisë, pranë krevatit të fëmijës së saj 11 muajsh, ndërsa burri i saj 32 vjeç ishte i lidhur në një karrige në dhomën e gjumit. Ishte ai që njoftoi Policinë duke i rënë telefonit me hundë, por bashkëshortja kishtë ndërruar jetë prej kohësh. Bashkëshorti i viktimës bëri me dije se vetëm pak ditë para grabitjes kishin shitur një tokë për 100 mijë euro por i kishin investuar menjëherë. Ndërsa në banesë kishin mbajtur vetëm 15 mijë.
