Kur numërimi i kutive po shkon drejt fundit në Tiranë, po duket qartë se kush do të jenë deputetët në Kuvendin e Shqipërisë dhe kush ngelet jashtë.
Në listën e PS-së, Fatmir Xhafaj dhe Ornaldo Rakipi pritet të jenë në Kuvendin e ardhshëm, duke thyer herësin, pasi kanë marrë më shumë se 10 mijë vota.
Por, qytetarët duket se i kanë dhënë një ndëshkim të pashembullt Vangjel Dules, kryetarit të PBDNJ, i cili u fut në pozicion të sigurtë në listën e PD nga Lulzim Basha në qarkun e Tiranës.
Lexo edhe:
Ai u rendit i 11 në listën e PD, ndërsa në zgjedhjet e 25 prillit kjo parti mori 15 deputetë, duket bërë kështu që Dule të jetë deputet i ardhshëm i Kuvendit të Shqipërisë.
Ndryshe nga zgjedhjet e tjera, këtë radhë u votua edhe për kandidatët. Nga të dhënat e deritanishme, edhe pse Dule është i 11 në listën e PD, ai ka marrë 625 vota.
Po ta shikojmë më vëmendje listën e PD, gati 98% e kandidatëve kanë marrë më shumë se 1 mijë vota, madje edhe ata që kanë qenë të renditur nga fundi.
Nga kjo mund të themi se qytetarët e Tiranës kanë zgjedhur që të ndëshkojnë me votë Dulen, duke dhënë një mesazh të qartë për politikën shqiptare se tashmë ka ardhur koha që ai të dalë në pension.
