Qyteti i Peshkopisë, por edhe i gjithë qarku i Dibrës është nën “pushtetin” e dëborës. Reshjet kanë vijuar përgjatë natës dhe mëngjesit të sotëm, duke shkaktuar probleme të shumta në qarkullimin e makinave dhe furnizimin me energji elektrike.
Trashësia në qytetin e Peshkopisë kalon mbi 45 cm ndërsa në zonat e thella varion deri në 70-80 cm. Rrugët nacionale që lidhin Peshkopinë me Tiranën dhe Peshkopinë me Kukësin kalohen me zinxhirë.
Si pasojë e rëndesës nga bora janë thyer pemë, shtylla dhe janë këputur tela përçues elektrikë, duke lënë në errësirë më shumë se 80% të Dibrës.
Lexo edhe:
Reshjet e borës kanë pushtuar edhe Kukësin dhe Korçën, ku disa akse rrugor janë të kalueshme me zinxhirë!
