Pedagogu i njohur, kandidati për deputet në listën e Elbasanit për PD, Luçiano Boçi ka reaguar për mediat pas përplasjes që pati me biznesmenin Gjergj Luca, në një nga bizneset e tij.
Profesori Boçi thotë se ky agresion ka qenë me motive politike dhe se këto janë incidente të inskenuara nga Rama, pasi të majtët janë në panik.
Boçi në versionin e tij thotë se gjatë takimit ka qenë Luca që i është afruar dhe e ka sulmuar madje duke e kërcënuar me jetë. Për Newsbomb.al ai tha se është duke zhvilluar procedurat e duhura në prokurori, lidhur me ngjarjen që ka ndodhur më herët.
“Agresion me motive politike. Të majtët janë në panik, të frikësuar nga humbja. Isha në një takim elektoral në Labinot, Ku z.Luca ka disa biznese. Kisha një takim me demokratët dhe ai është afruar duke më ofenduar dhe më pas ka pasur një përplasje fizike. Gjate përplasjes me ka kërcenuar me jetë. Menjëherë pas incidentit i jam drejtuar organeve ligjzbatuese për të kryer procedurat. Përdorin mjeke antipolitike, Rama të gjejë një mënyrë tjetër”, ka thënë Boçi në prononcimin ne tij për mediat.
