11 ditë pasi mori vaksinën e koronavirusit, humb jetën 41-vjeçari, ja çfarë zbuluan mjekët

Gjakderdhja në tru i ka marrë jetën babait të një fëmije vetëm 11 ditë pas marrjes së vaksinës AstraZeneca.

Mësohet se Adam Bounds, 41 vjeç, vdiq në Spitalin Derriford në Plymouth pasi vaksina e tij Covid-19 shkaktoi një efekt anësor ‘shumë të rrallë’ por fatal. Wayne Thomas, një konsulent hematolog në Spitalin Derriford tha se diagnoza e “trombocitopenisë trombotike është shkaktuar nga vaksina”.

Ai tha se diagnoza ishte ‘shumë e rrallë’ me vetëm 260 raste në Mbretërinë e Bashkuar dhe kur ajo shkakton gjakderdhje rreth 70 deri në 75 përqind e pacientëve vdesin. Spitali nuk ishte në dijeni të diagnozës deri ‘pas ngjarjes’ sepse është një test që duhet bërë në Bristol, tha doktor Thomas. Ai shtoi se diskutimet me ekspertë në këtë fushë konfirmuan se Bounds kishte trombocitopeni trombotike të shkaktuar nga vaksina. Para vdekjes së tij, Bounds i cili jetonte në Bristol iu ankua babait të tij për një dhimbje koke dhe pasi piu një paracetamol ai shkkoi me urgjencë në spital.

Lexo edhe:

Izraeli do të organizojë festivalin me të madh të LGBTQ në Lindjen e Mesme

“Më shkatërrove jetën”, detaje të reja nga vrasja e trefishtë e shqiptarëve në Itali

Rritja e çmimeve të karburanteve, shoferët e transportit publik në Paris dalin në protestë

I kishte borxh një pasagjereje 890 euro, gjykata austriake sekuestron avionin e Ryanair

Gjatë operacionit kirurgu vuri në dukje se truri i Bounds ishte ‘shumë i fryrë dhe shumë i tensionuar’ dhe nuk kishte asnjë përmirësim pavarësisht nga heqja e gjakut. Shkaku i vdekjes është dhënë si hemorragji intracerebrale (e operuar).