Pas daljes nga shtëpia e Big Brother, Beatrix Ramosaj shkroi një këngë dedikuar Donaldit. Projekti që mban titullin “Faj” flet mes të tjerash për paragjykimet që kanë marrë për lidhjen që krijuan brenda shtëpisë së famshme. Megjithëse ka disa ditë që kënga është publikuar, Donaldi ka pasur mundësinë ta dëgjoje sot.
Vëllai i Madh ka vënë këngën e saj ndërsa Donaldi është emocionuar nga gjesti i saj. Ai ndodhet në oborr duke shijuar rrezet e diellit bashkë me Ilirin dhe Tanin kur kupton se kënga është një dedikim për të. Pas përfundimit të këngës, banorët kanë duartrokitur dhe përgëzuar për këtë projekt.
