Reperi Mozzik ka reaguar pas raportimeve në media për një arrestim të tij lidhur me një orë të markës Richard Mille dhe për borxhe ndaj ATK-së.
Ai i ka quajtur këto lajme “të pavërteta, vetëm rrena dhe shpifje”, duke shtuar se çështjen e ka sqaruar në prani të avokatit të tij, Arianit Koci. Mozzik tha se sulme të tilla i përballon me qetësi dhe uroi sukses për të gjithë, edhe për ata që shkruajnë keq për të.
Deklarata e Mozzik
Sapo dhashë deklaratë, në prezencë të avokatit tim Arianit Koci, lidhur me çështjen e mbrëmjes së kaluar për orën e dorës Richard Mille.
Mediat që kanë raportuar për një arrestim që nuk ka ndodhur, nuk kanë vepruar drejt. Po ashtu, raportimet për një kinse borxh ndaj ATK janë të pavërteta – vetëm rrena dhe shpifje.
Sulme të tilla i përballoj me qetësi, njësoj si gripin – dhe nuk kanë asnjë peshë më shumë.
Ju uroj suksese të gjithëve, dhe ishalla flini të qetë sonte. Ju dua edhe juve që po shkruani keq!
Sinqerisht Gramoz Aliu (Mozzik)
