Një ditë më parë gazetari Elton Qyno, ka komentuar rreth dosjes së operacionit “Shpirti”, pasi në media u tha se pjesë e dosjes ishte edhe emri i një gazetari të njohur që e kishte deklaruar i penduari-bashkëpunëtor i drejtësisë.
“Sipas lajmit dhe analizës së gazetarit në studio, gazetari i famshëm i kronikës së zezë, kishte marrë lekë për të goditur grupin rival të Ilir Duçkollarin, me qëllim denoncimi i parcelave të drogës në media.
Deklarata u bë dhe lajmi mori dhenë. Një gazetar i famshëm ka rënë në takamin e SPAK-ut. Dhe me këtë situatë që është bërë tani, SPAK-u po të kapi, ta hapi.
Atë ditë s’më ka pushuar telefoni. “…Ore kush është ky gazetar…”-njëri, “…kush është një gazetar… tjetri…”-më pyeste dynjaja.
“…Ore ikni se po ha bukë, ikni se s’ka gazetar, e nëse ka, gazetari informacion mer ngado, bilbil fryrësa ka dhe nga krimi jo vetëm në administratë…mjafton që gazetari ta verifikojë vërtetësinë e informacionit dhe është në rregull”-ja ktheja unë”, -shkruante Qyno në rrjete sociale.
Në këtë reagim nuk ka munguar edhe një koment nga gazetari Artan Hoxha, i cili gjuan larg, duke thënë se shpreson të mos pendohet ndonjë nga ata gazetarët e përgjuar nga rrota e mullirit që të tregojë më pas thesin e parave të krimit.
“Ishallah nuk pendohet ndonjë nga ata gazetarët e përgjuar nga rrota e mullirit dhe tregon, se thesin me paratë e paguara nga krimi organizuar e ka çuar direkt në zyrën e pronarit të televizionit, që është edhe Drejtor, edhe kryeredaktor, edhe redaktor madje dhe redaktor rrethesh”, ka komentuar Hoxha pa përmendur emra.
