Një rast shembullor është regjistruar së fundmi, ku protagonistë kanë qenë punonjësit e Aeroportit Ndërkombëtar “Nënë Tereza” në Tiranë.
Mësohet se pasagjerët që udhëtonin drejt Malit të Zi kishin harruar një çantë, brenda së cilës ndodhej shuma prej 40 mijë dollarësh amerikanë.
Me të mbërritur në Tuz dhe pasi vunë re se çanta nuk ishte te bagazhet e tyre, ata kanë kontaktuar personelin e aeroportit, që ka njoftuar se çanta ishte gjetur dhe mund të merrej në çdo moment.
Lexo edhe:
Shtetasi shqiptar nga Tuzi ka shprehur mirënjohjen e tij për gjestin e personelit të aeroportit duke thënë se “ky është një gjest njerëzor dhe dëshmi se shqiptarët janë të besës dhe burrërisë”.
Sakaq, mësohet se çanta që mbante paratë është tërhequr nga personi, të cilit i përkiste.
