Rishi Sunak ka marrë zyrtarisht drejtimin e Britanisë së Madhe pasi Penny Mordaunt hoqi dorë nga gara për lidershipin brenda partisë konservatore. Pas dorëheqjes së Liz Truss, Rishi Sunak arriti të siguronte mbështetjen publike më të madhe dhe votat e më shumë se 100 deputetëve.
Ai do të bëhet kryeministri i parë indian i Mbretërisë së Bashkuar dhe do të marrë detyrën pasi Britania e Madhe po përballet me sfida të mëdha ekonomike. Kryeministri i ri do të mbajë një fjalim në Parlament në orën 14:30.
Sunak u bë i njohur për publikun britanik kur ishte 39 vjeç, pasi Johnson e emëroi ministër të Financave, në periudhën kur Britania regjistroi rastet e para me koronavirus.
Lexo edhe:
“Kam shërbyer si kancelari juaj, duke ndihmuar që ta udhëheqim ekonominë tonë në kohërat më të vështira”, tha Sunak përmes një deklarate të dielën.
“Sfidat me të cilat po përballemi tani janë edhe më të mëdha. Por, mundësitë – nëse bëjmë zgjedhjen e duhur – janë fenomenale”, shtoi ai.
42-vjeçari Rishi Sunak, me origjinë nga India dhe një hindu i devotshëm, doli për herë të parë në Britani kur, në moshën 39-vjeçare, u bë Kancelar i Thesarit nën Boris Johnson. Nga ora 15:00 me orën shqiptare, ai është kryeministri i ri i Britanisë, pasi Penny Mordant nuk arriti të mblidhte 100 nënshkrime parlamentare dhe u tërhoq nga gara.
Sunak, i cili u zgjodh për herë të parë si deputet në vitin 2015, u dallua menjëherë në politikë: kur pandemia goditi Britaninë, ai krijoi një program pezullimi pune për të mbështetur miliona britanikë. Ndonëse ishte i preferuari që në fillim, për rolin e kryeministrit, iu desh të përballej dy herë me rivalët e brendshëm partiakë për të arritur tek burimi. Herën e parë, Liz Truss ia bllokoi rrugën drejt pushtetit – dhe e vonoi atë me vetëm 44 ditë.
