Ndoshta dikur keni pasur ndjesinë se dikush po iu vështronte nga pas, edhe nëse në fakt nuk shihni askënd. Natyrisht, kjo është një përvojë e zakonshme mes shumë prej nesh dhe madje ka disa studime që tregojnë arsyet se pse ndihemi kështu, sipas Bright Side.
Truri ynë mund të dallojë nëse dikush po na shikon, edhe nëse ne nuk e kemi parë atë
Një studim u krye me një pacient kortikalisht të verbër, i cili nuk mund të shihte për shkak të dëmtimit të korteksit vizual (një pjesë e trurit). Ai nuk ishte në gjendje të perceptonte asgjë me vetëdije, si të shikonte një film ose të lexonte një libër, por ai mund të përpunonte informacionin që shkonte në zonat e trurit që funksiononin.
Lexo edhe:
Hulumtimet kanë treguar se ne mund të ndiejmë se dikush po na shikon drejtpërdrejt, edhe nëse nuk e kemi parë me vetëdije, gjë që mund të shpjegojë pse mendojmë se po na shikon edhe nëse nuk kemi parë në të vërtetë dikë.
Mund të jetë një gabim në interpretim
Një tjetër gjë që mund ta konfirmojë këtë ndjenjë, dhe madje ta bëjë atë të ndodhë më shpesh, është kur ktheheni dhe shihni se dikush në të vërtetë po ju shikon. Ndonëse kjo mund të duket si konfirmim që dikush po iu ngul sytë gjatë gjithë kohës, personi mund të ketë parë vetëm sepse ju u kthyet, gjë që në një farë mënyre e humb kuptimin.
Një shqetësim i vogël iu vë në gatishmëri
Ndjesia sikur po ju shikojnë mund të shkaktohet nga një shqetësim që ka paralajmëruar trurin tuaj, mund të jetë diçka që keni parë me bishtin e syrit ose një tingull i dobët që vjen nga një vend i panjohur. Kjo mund të krijojë përshtypjen se pas teje është dikush që shikon hapat e tu, edhe nëse nuk është kështu.
Nëse nuk jeni të sigurt, përgjigjja është ndoshta “Po”
Sipas një studimi nga Universiteti i Sidneit, kur njerëzit marrin sinjale të kufizuara vizuale rreth mjedisit të tyre, si për shembull nëse është errësirë apo mbajnë syze dielli, dhe nuk mund të thonë saktësisht se çfarë po ndodh, ata priren të mbështeten në përvojën e tyre të mëparshme. Kjo i bën ata më të prirur të besojnë se po i vështrojnë, veçanërisht në rastet kur janë të pasigurt.
